Stalla per muvel grond

En nus ha il possessur anflau il partenari ideal per siu project special. El planisava in’atgna stalla per muvel grond, baghegiada cun lenna ord igl agen uaul. La lenna rodunda ha il patrun casa pinau e transportau a Trun, nua che nus vein resgiau tier ella e magasinau sin nies areal. Suenter schar schigiar la lenna ell‘aria vein elavurau ella en nossa lennaria e ligiau giu la construcziun purtonta. Era la montascha ei succedida entras nos lennaris. Per per la construcziun purtonta, plantschius e preits da quella stalla vein elavurau totalmein 420 m³ lenna rodunda da nossa regiun – ina metoda da baghegiar ecologica ed economica, cun la quala l’entira creaziun da valur ei restada en nossa regiun.