77 ONNS GIUVNA

Igl onn 1946 ha Tarcisi Maissen realisau in siemi entras fundar siu agen menaschi. Dapi la fundaziun ei sia fatschenta carschida ad in’interpresa multifara. Oz meinan ils dus fegls Curdin e Flurin la Tarcisi Maissen SA. Il spért e la filosofia dil fundatur defineschan denton aunc adina nies maletg directiv. Las finamiras impurtontas restan, da producir tut ils products pusseivels en l’atgna fatschenta e da tschentar leutier gronda peisa sin in agir persistent ed in diever efficient d’energia.

1946 – Fundaziun dalla resgia e scrinaria Tarcisi Maissen

1958 – Engrondida digl areal e construcziun d’ina halla da producziun

1963 – In incendi destruescha gl’entir areal da fatschenta. La reconstrucziun succeda enteifer in onn e miez

1976 – Avertura dalla partiziun da pegnas scalegl

1989 – Midada dalla firma singula ella Tarcisi Maissen SA

1989 – Flurin e Curdin Maissen surprendan il tgamun

1990 – La halla dalla resgia brischa giu tochen sils fundaments. La reconstrucziun cuozza 8 meins

1995 – Construcziun d’ina halla nova per la lennaria

2005 – Il fuorn niev da sechentar lenna cun 50 m³ volumen vegn prius en funcziun

2006 – Construcziun d’in baghetg niev cun localitads d’exposiziun e deposit per lenna d’aulta qualitad

2007 – Renovaziun cumpletta dils indrezs da tschitschar naven stialas e resgiem, cun baghetgs da filtrar egl extern e restituziun da calira

2009 – Renovaziun cumpletta dalla scrinaria e biros, sanaziun energetica

2009 – Il fundatur Tarcisi Maissen miera cun 96 onns

2011 – Dus ulteriurs fuorns per sechentar lenna vegnan installai, volumen 15 e 18 m³

2011 – Installaziun d’ina pegna nova cun stialas e zenslas, equippada cun in filter electronic da partichels

2013-2016 – Ils tetgs dallas 4 hallas da producziun vegnan cuvretgs cun cellas solaras

2014 – Construcziun dalla halla nova per fabricar pegnas scalegl ed ellaboraziun da crappa natirala

2018 – Surpriu ils dretgs da diever per la cava da crappa Berni a Val S. Pieder

2019 – Retschiert il “premi solar svizzer” ella categoria instituziuns per nossas investiziuns els indrezs solars da PV sils tetgs da nossas hallas da menaschi

2019 – Engrondida dalla lennaria. Installau maschina CNC cun portal per ligiar giu elements e construcziuns da lennaris

2019 – Engrondida digl indrez solar

2022 – Engrondida dalla lennaria ed installaziun d’ina maschina da ligiar giu ROBOT-Drive

2022 – Construcziun d’in niev deposit ault cun tetg, cuvretg cun cellas solaras

2023 – Installaziun d’in indrez solar vid la fatschada dalla scrinaria