Casa Larisch

Quella casa generusa e moderna cun tetg plat ei construida cul label Minergie-P-Eco. Damai che nus luvrein gia dapi la fundaziun da nossa fatschenta sulettamein cun materials cun in’ecologia da construcziun preziusa sco lenn natural, tievlas, crap natural, cheramica, isolaziun da cellulosa etc. vein giu neginas difficultads culla materialisaziun. L’isolaziun externa ed ils indrez tecnics han denton pretendiu gronda attenziun. Per las fatschadas, ina sort construcziun da righel cumbinau cun petgas verticalas, sco era per las finiastras e per la construcziun tetg vein duvrau lenn larisch natural – ord quei motiv era il num romontsch “Casa Larisch”. Per las lavurs internas vein duvrau oravontut lenn larisch ni ruver e plattas da gep ch’ein ligiadas giu neidi.