Luvratori a Muster – Uffeci da construcziun bassa dil cantun GR

Igl Uffeci da construcziun bassa dil cantun Grischun ha incumbensau nus da realisar quellas duas lavurs da lennaris. La lenna rodunda per quels objects vegn dalla Surselva. Nus vein resgiau, schigentau tecnicamein e splanau ella per gronda part en nossa fatschenta a Trun. Ils purtaders da travs ch’ein montai horizontal e ch’ein 14 m liungs e 2 m aults ed ils elements purtonts da preit vein produciu ordavon en nossa lennaria e montau suenter sil baghetg cun agid d’ina grana speciala.

Entras quella moda da baghegiar speciala, tier la quala l’utilisaziun da lenn indigen ei stada cundiziun, ei seresultiu ina creaziun da valur maximala per nossa regiun. Ils process da lavur centrals – naven dil tagl da lenna, transport, scursar, resgiar, schigentar, l’elavuraziun, ligiar giu, tochen tiel transport e la montascha – tuttas lavurs ein vegnidas exequidas per tschien prozent en nossa regiun.