Construcziun interna IndividuAla.
Nus purschein midadas e renovaziuns vid preits, plantschius su e sut e partiziuns da stanzas. Sper la construcziun interna individuala vid nossas casas Maissen modernas surprendein era bugen la renovaziun da baghetgs existents. Leutier ei nossa emprema finamira Vies beinstar. Igl ei tuttina sche Vus habiteis en ina casa nova moderna ni en ina casa veglia cun scharm – las midadas ston ir a prau cun Vus e cun Vies da casa.
NUS ESSAN HABELS DA FAR (QUASI) TUT.
Nossa gronda cumpetenza dad elavurar lenn massiv e nies ferm flair pil mistregn tradiziunal semuossa buca mo tier construcziuns internas. Aschia construin era per Vus escha, finiastras, cuschinas e da tuttas sorts mobilias. El ver senn dil plaid ein tuttas portas aviartas a Vus: Ei dat numnadamein quasi negins cunfins quei che pertucca mesiras, colurs e materials. Ed adina cumbinein artisanadi da gronda qualitad cun bien design e tecnica ruffinada.
Nossas pretensiuns ein aultas.
Sper da tuttas sorts lavurs da scrinaris ch’ein dumandadas tier renovaziuns, sanaziuns, mobilias, cuschinas ni era tier la renovaziun d’antiquitads, ei la creaziun da construcziuns ruffinadas che drovan negina ferradira da metal ina gronda fascinaziun.
