Surbaghegiada Lag Pign
La surbaghegiada Lag-Pign cun el center il laghet che dat il num, vein realisau sin ina surfatscha da 14’000 m². Tuttas lavurs da planisaziun – naven dalla planisaziun da quartier sur las damondas per lubientschas tochen tier la planisaziun d’execuziun e dils detagls ein succedidas entras nies biro d’architectura. Suandonts criteris ha duvrau nossa attenziun speciala:
- Mintga casa ei tschentada aschia che tuttas habitaziuns ein drizzadas optimal – cun ina bellezia survesta, gronds spazis e meglieras cundiziuns da sulegl e clarezia duront il di
- Tuts balcons e plaz da seser ein tschentai encunter sid e vest, ils biars cun vesta sil lag da far bogn
- La singulas etappas da baghegiar ein planisadas aschia che las lavurs caschunan aschi paucs disturbis sco pusseivel ellas parts gia habitadas
- Tuttas casas ein contonschiblas cun scalas ed ascensurs e disponan d’ina gronda garascha sutterana e dad avunda parcadis el liber
- Da gronda impurtonza ein stadas las lavurs da contuorn cul lag da far bogn, cun sendas da colligiaziun, plaz da seser ed emplantaziuns.
