Boxa per habitar Cauma

La Cauma vein sviluppau sco albiert durabel senza cumpromiss utilisabels igl unviern e la stad. Ella engrondescha, senza dependenza dall’aura, la purschida da plaz da campar, porscha plaz per meditaziuns creativas, scaffescha a moda sempla, era en loghens geografics extrems, in dormitori ed era dapli. Grazia a sias dimensiuns sa ella vegnir cargada e transportada sin in camiun e tschentada sin plattas da curtgin.

La Cauma vegn construida tier nus a Trun. Il lenn deriva senza excepziun dalla Surselva. La Cauma ei isolada cun launa nuorsa – quella procura per ina temperatura constanta ed emprerneivla duront gl’entir onn ora. Ina pintga ventilaziun da stanza, ch’ei fetg efficienta muort igl indrez da gudignar anavos calira, procura per aria frestga. Igl unviern porscha ina pegna calira ed ina atmosfera cumadeivla. Ella Cauma hai plaz da star surnotg per tochen quater persunas. Ella ei equipada cun in letg dubel ed ina treglia da volver ora, ina meisa da volver ora, sutgas e crunas. En loghens senza access tier la reit d’electricitad procuran cellas solaras e battarias per l’electricitad dallas cazzolas e dalla bescla d’USB da 12V.

La Cauma vegn planisada e sviluppada da Bellevue Studios s.a.r.l. Architekten ETH SIA Turitg e Zignau e dalla Tarcisi Maissen SA, resgia e scrinaria, Trun.

Dapli informaziuns anfleis Vus sut www.cauma.ch