Maissen stat per Qualitad – era tier casas.

Nus vessan buca quintau ch’ina spezia da casas vegni enzacu a purtar nies num. Tuttina ei il num «Maissen» ozildi enconuschents lunsch sur il cantun Grischun. Naturalmein essan nus loschs ch’ei gartegia a nus da mantener entras nossas casas Maissen il stil originar grischun e quei cun bia carezia pil detagl. Nossa clientella appreziescha ils differents elements tradiziunals sco per exempel las preits da quaders, ils tetgs da crap, las canals da lenn sco era las lavurs internas d’aulta qualitad cun cuschinas ord lenn massiv, plantschius da crap e parchet.

Casa Maissen

 

Retro E TUTTINA modern.

Nus tgirein l’architectura ed il stil da baghegiar tradiziunal da nossa regiun. Tuttina sespruein da colligiar las tradiziuns da baghegiar cun lenn aschi optimal sco pusseivel cun las tecnologias ed ideas d’ozildi. Ord quei motiv sepresenta la casa Maissen buca mo scharmant, mobein era cun bia confort.

sviluppar Tradiziuns.

Passar sur in bi plantschiu da lenn rustical, cun integrau in scaldament da plantschiu efficient, per arrivar cumadeivlamein en in bogn topmodern – en casas Maissen van siemis en vigur. Ils vegls gualsers smarvegliassen – e fussan cun segirtad loschs da lur artavels!

anavos tier la survesta