Nus baghegein persistent.

Ei stat buc en damonda – la casa digl avegnir sto buca mo ademplir aultas pretensiuns pertuccont confort e viver sanadeivel, il baghetg duess era esser economicamein ed ecologicamein raschuneivels. Tier la planisaziun e construcziun da nos baghetgs tschentein nus gronda peisa sin in concept d’energia che perschuada. Nossa finamira ei da contonscher in diever d’energia aschi bass sco pusseivel. Quella finamira contonschin cun differentas metodas. Impurtont ei da planisar la part externa dil baghetg ensemen culla tecnica da casa sco sistem cumplessiv. Nus sez vein cuvretg tut ils tetgs da nossa fatschenta cun panels solars che produceschan annualmein ca. 460’000 kWh electricitad. Quei tonscha per cuvierer igl agen diever e per dar vinavon bunamein la mesadad da nossa producziun d’electricitad. Quei fa economicamein ed ecologicamein senn e corrispunda a nossa filosofia.

Moduls schubers – Entradas segiras

Tschuffergnada entras puorla, fulin e pollas reducescha la prestaziun d’indrez fotovoltaics per tochen 20 %. Las influenzas naturalas entras plievgia, rugada e vent tonschan buc per schubergiar ils moduls. Per ina schubergiada efficienta posseda la Tarcisi Maissen SA ina maschina da schubergiar a pressiun aulta cun accessori per moduls solars. Cugl iSolar dalla firma Kärcher, in sistem da barschuns che roteschan ch’ein fermai vid ina stanga da telescop, eis ei pusseivel da schubergiar a moda rentabla ina surfatscha da moduls da tochen 1500 m².

Bugen affittein la maschina per suandontas cundiziuns:
1/2 di à frs 250.00
1 di à frs 450.00
dis supplementars à frs 300.00

anavos tier la survesta