La Multifariadad distingua nus.

Ord la sempla resgia e scrinaria dils anno 1946 ei sesvilupau in menaschi che porscha ina vasta paletta da survetschs – naven da lavurs da scrinari e lennari, pegnas scalegl, cheminées e lavurs cun crappa natirala sur lavurs da fravi e products da resgia ord lenn indigen, tochen tier la planisaziun e realisaziun da projects da tut gener.

Cumpetenzas

La Casa Maissen.

Essend sesents en Surselva, s’orientein bugen vid il stil da baghegiar tradiziunal dalla regiun. Damai che nossa passiun pil lenn enconuscha denton negins cunfins, fagein cun nossa CASA MAISSEN la punt denter il cumprovau da vegl enneu e las pusseivladads ed il confort dad ozildi.

Dapli informaziuns

Pegnas scalegl dil Grischun.

Nus planisein e fabrichein pegnas ord crap scalegl dalla regiun. Quel sedistingua buca sulet entras sia bellezia, mobein era entras sia capacitad d’arcunar calira. Aschia prestan nossas pegnas ord crap scalegl dil Grischun, fabricadas sin mesira, plascher persistent cun derasar calira emperneivla en beinenqual dacasa.

Dapli informaziuns

Materials ord la regiun.

Il lenn che nus elavurein retergein dils uauls circumdonts. Era il crap scalegl per las pegnas explotein da noss’atgna cava sisum la Cadi. Nus lein saver danunder che nossas materias primas, las qualas nus elvavurein, vegnan.

Dapli informaziuns

Finiziun emprendissadi 2018

Nossa emprendista Melanie Cavigelli ha serrau giu la fin zercladur 2018 igl emprendissadi da commercianta culla nota finala excellenta da 5.4. Nus selegrein fetg e gratulein cordialmein pil success.

Era suenter igl emprendissadi vegn Melanie a luvrar vinavon ell’administraziun da nossa fatschenta.

Visitei nus duront l’OLMA

Nus presentein nossas pegnas naven dils 11 tochen ils 21-10-2018 all’Olma a S. Gagl. Vegni sperasora e visitei nies stan – nus selegrein!

Homepage OLMA